Ramin Bəhmən tərəfindən
23 sentyabr 2022 17:50 tarixində paylaşıldı.
22 sentyabr 2022-ci il tarixində Ağdam Rayon İcra Hakimiyyətinin başçısı Vaqif Həsənov Ermənistan silahlı qüvvələri tərəfindən sentyabr ayının 12-dən 13-ə keçən gecə Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində törətdikləri genişmiqyaslı təxribatların qarşısını alarkən yaralanmış və hazırda respublikanın müxtəlif şəhər və rayonlarında müalicə alan hərbi qulluqçuların ailə üzvlərini ziyarət edib.
“Qarabaginfo.com” xəbər verir ki, RİH başçısı yaralı hərbçilərimizin səhhəti və qayğıları ilə maraqlanmış, ailə vəziyyəti ilə tanış olmuşdur.
Yaralı hərbi qulluqçuların ailə üzvləri onlara göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya minnətdarlıqlarını ifadə ediblər.
AğdamTv.info saytı Ağdam Tv MMC daxilində fəaliyyət göstərən informasiya agentliyidir. Ağdam Tv MMC 2021-ci il May ayının 24-də yaradılmış media şirkətidir. AgdamTv.info İnformasiya Agentliyi olaraq məqsədimiz Azərbaycan Media sahəsində öz dəsti xəttimizi yaratmaqdır. Qarabağda və Regionda baş verən hadisələri dəqiq, qərəzsiz çatdırmaq əsas prioritetimizdir.