Ramin Bəhmən tərəfindən
15 sentyabr 2023 21:04 tarixində paylaşıldı.
15 Sentyabr “Bilik Günü” ilə əlaqədar Ağdam Musiqi Kollecində də bir sıra tədbirlər keçirilib.
Ağdam Musiqi Kollecinin direktoru əməkdar artist Fehruz Səxavətin dəvətilə bir sıra mədəniyyət xadimləri kollecin qonağı olub.
Mədəniyyət xadimləri öz sahələri üzrə kollecin pedaqoji heyəti üçün masterclass keçiriblər.
Yeni tədris ilinə hazırlıq olaraq pedaqoji fəaliyyətlə məşğul olan kollec müəllimlərinin fəaliyyətlərində keyfiyyətin artırılması üçün mövzu üzrə müzakirələr aparılıb.
Ağdam Musiqi Kollecinin direktoru, Əməkdar artist Fehruz Səxavət kollecin müəllim kollektivinin pedaqoji fəaliyyətinin peşəkarlıq səviyyəsinin artırılması üçün bu kimi tədbirlərin davamlı olacağını bildirib.
Qeyd edək ki, 15 Sentyabr yeni tədris ilinin başlanması münasibətilə eyni zamanda kollecə yeni qəbul olan tələbələr və valideyinlərin qəbulu keçirilib. Ağdam Musiqi Kollecinin direktoru Fehruz Səxavət valideyinlərin qayğı və təkliflərini dinləyərək yeni qəbul olan tələbələrə uğurlar arzulayıb.
AğdamTv.info saytı Ağdam Tv MMC daxilində fəaliyyət göstərən informasiya agentliyidir. Ağdam Tv MMC 2021-ci il May ayının 24-də yaradılmış media şirkətidir. AgdamTv.info İnformasiya Agentliyi olaraq məqsədimiz Azərbaycan Media sahəsində öz dəsti xəttimizi yaratmaqdır. Qarabağda və Regionda baş verən hadisələri dəqiq, qərəzsiz çatdırmaq əsas prioritetimizdir.